រូបថត៖ រូបថត ការិយាល័យ OHCHR-កម្ពុជា/គឹម សម្បត្តិ

​ភ្នំ​ពេញ (០៩ ​សី​ហា ២០១៦) ទិ​វា​អន្តរ​ជាតិ​ជន​ជាតិ​ដើម​ភាគ​តិចពិ​ភព​លោក ៩ ​សី​ហា ​ឆ្នាំ​នេះ ​នឹង​ប្រារព្ធ​ឡើង​ដោយ​មា​នព្រឹត្តិ​កា​រណ៍ពិ​សេស​នៅ​ជុំ​វិញពិ​ភព​លោក ​រួម​ទាំង​នៅ​ទីស្នាក់​ការ​អង្គ​កា​រស​ហប្រ​ជា​ជាតិ ​និង​នៅ​ទី​នេះ ​នៅ​កម្ពុ​ជា។ ​រាជ​រដ្ឋាភិ​បាល​កម្ពុ​ជា​បាន​សម្រេច​ចិត្ត ​អបអ​រ​សារ​ទរទិ​វា​នេះ ​ជា​មួយ​នឹង​សហគ​មន៍​ជន​ជាតិ​ដើម​ភាគ​តិច​សួយ។ ​លោក​ជំ​ទាវ ​ម៉ាត់ ​ម៉ា​រ៉ា ​រដ្ឋ​លេខាធិ​កា​រក្រ​សួង​អភិ​វឌ្ឍន៍​ជន​បទ ​នឹង​ត្រូវ​ធ្វើ​ជាធអធិ​បតី​ក្នុង​ពិ​ធី​នេះ ​នៅ​ខេត្ត​កំ​ពង់​ស្ពឺ ​ដែល​ក្នុង​នោះ ​មានតំ​ណាងស្ថាប័ន​រដ្ឋ ​សង្គម​ស៊ី​វិល ​សហគ​មន៍​ជន​ជាតិ​ដើម​ភាគ​តិច ​និង​ការិ​យាល័យ OHCHR ​ចូល​រួម​ផង​ដែរ។

​សហគ​មន៍​ជន​ជាតិ​ដើម​ភាគ​តិច​ផ្សេង​ទៀត​នៅ​ទូ​ទាំងប្រ​ទេស​កម្ពុ​ជា ​នឹង​រៀប​ចំ​ការ​ប្រារព្ធ​ពិ​ធី​នេះ ​ក្នុង​នោះ​មាន ​ជន​ជាតិ​ដើម​ភាគ​តិច​ព័រ ​នៅ​ខេត្ត​បាត់​ដំ​បង ​ជន​ជាតិ​ព្នង ​និង​ព្រៅ ​នៅ​ខេត្ត​ស្ទឹង​ត្រែង ​ជន​ជាតិ​ព្នង ​និងស្ទៀង​នៅ​ខេត្ត​ក្រ​ចេះ ​ជន​ជាតិ​គួយ​នៅ​ខេត្ត​ព្រះ​វិ​ហារ ​ជន​ជាតិ​ជង ​នៅ​ក្នុង​ខេត្ត​កោះ​កុង ​ជន​ជាតិ​គួយ​នៅ​ខេត្ត​កំ​ពង់​ធំ ​និង​ជន​ជាតិគ្រឹង ​ចា​រ៉ាយ កា​ចក់ ​ព្រៅ ​និងកា​វ៉ែត ​នៅ​ខេត្ត​រតនគិ​រី ​ជា​ដើម ។ល។ ​ការិ​យាល័យ OHCHR ​នឹង​គាំ​ទ្រ​ដោយ​ផ្ទាល់​ក្នុង​ពិ​ធី​របស់​ជន​ជាតិ​ដើម​ភាគ​តិច​ចំ​នួន ៨ ​សហគ​មន៍។
 
​ប្រ​ធាន​បទ​ឆ្នាំ​នេះ​គឺ “​ជន​ជាតិ​ដើម​ភាគ​តិច ​និង ​សិទ្ធិ​ទ​ទួល​បាន​ការ​អប់​រំ” ​មាន​បំណង​លើក​កម្ពស់​កា​រ​យល់​ដឹងអំ​ពី​ការ​ពិត​ដែល​ថា ​សព្វ​ថ្ងៃ​នេះ ​ការ​ធ្វើ​ឲ្យប្រ​សើរ​ឡើង​ដល់​សិទ្ធិ​ជន​ជាតិ​ដើម​ភាគ​តិច ​ក្នុង​ការ​ទ​ទួល​បាន​ការ​អប់​រំ ​ជាពិ​សេស ​ជា​ភា​សា​ផ្ទាល់​របស់​ពួក​គេ ​នៅ​តែ​ជា​បញ្ហា​ប្រ​ឈម​ដ៏​សំ​ខាន់​មួយ។ ​មា​ត្រា ១៤ ​នៃ​សេ​ច​ក្តីប្រ​កាស​របស់​អង្គ​កា​រ​សហ​ប្រ​ជា​ជាតិស្តី​ពី​សិទ្ធិ​ជន​ជាតិ​ដើម​ភាគ​តិច(UNDRIP) ​ចែង​ថា: ១. ​ជន​ជាតិ​ដើម​ភាគ​តិច​មាន​សិទ្ធិ​បង្កើត ​និង​គ្រប់គ្រងស្ថាប័ន ​និង​ប្រ​ព័ន្ធ​អប់​រំ​របស់​ខ្លួន ​ដោយផ្តល់​ការ​អប់​រំ​ជា​ភា​សា​របស់​ខ្លួន​ផ្ទាល់ ​ក្នុង​លក្ខ​ណៈ​សមស្រប​នឹង​វិ​ធី​សា​ស្រ្ត ​តាម​វប្ប​ធម៌​នៃ​កា​រ​បង្រៀន ​និង​ការ​រៀន​សូ​ត្រ​របស់​ពួក​គេ។ ២. ​បុគ្គល​ជា​ជន​ជាតិ​ដើម​ភាគ​តិចគ្រប់​រូប ​ជាពិ​សេស​កុ​មារ​មាន​សិទ្ធិ​ទ​ទួល​បាន​ការ​អប់​រំ​នៅគ្រប់​កម្រិត ​និងគ្រប់​រូប​ភាព​នៃ​ការ​អប់​រំ​របស់​រដ្ឋ ​ដោយគ្មាន​ការ​រើស​អើង​ឡើយ។ ៣. ​រដ្ឋ​ទាំង​ឡាយ ​ដោ​យ​សហ​ការ​ជា​មួយ​ជន​ជាតិ​ដើម​ភាគ​តិច​ត្រូវ​ចាត់​វិ​ធាន​កា​រប្រ​កប​ដោយប្រ​សិទ្ធ​ភាព​ដើម្បី​ឱ្យ​បុគ្គល​ជា​ជន​ជាតិ​ដើម​ភាគ​តិច ​ជាពិ​សេស​កុ​មារ ​រួម​ទាំង​អ្នក​ដែល​រស់​នៅ​ក្រៅ​សហគ​មន៍​ផង ​មាន​សិទ្ធិ​ទ​ទួល​បាន​ការ​អប់​រំ​ទៅ​តាម​វប្ប​ធម៌​ផ្ទាល់​របស់​ពួក​គេ ​និង​ត្រូវផ្តល់​ការ​អប់​រំ​នោះ ​ជា​ភា​សា​របស់​ពួក​គេ ប្រ​សិន​ជា​អាច​ធ្វើ​បាន។”
 
​សម្រាប់​ព័ត៌​មាន​បន្ថែមស្តី​ពី​សិទ្ធិ​ជន​ជា​តិ​ដើម​ភាគ​តិច ​សូម​ចូល​ទៅ​កាន់វេប​សាយ​របស់​ការិ​យាល័យ OHCHR
http://cambodia.ohchr.org/en/economic-social-rights/rights-indigenous-peoples