3979
លោក រ៉ុង ឈុន ដែលជាប្រធានសហជីពដ៏ឆ្នើមម្នាក់ ត្រូវបានដោះលែងមកវិញ បន្ទាប់ពីការឃុំខ្លួនរយៈពេល ១៥ខែ នៅក្នុងបន្ទប់ឃុំឃាំងដែលមានផ្ទៃក្រឡា ១៧ម៉ែត្រការ៉េ ជាមួយនឹងអ្នកជាប់ឃុំចំនួន២០នាក់ផ្សេងទៀត។
លោកត្រូវបានចាប់ខ្លួនពីបទញុះញង់ ដោយសារការជាប់ពាក់ព័ន្ធក្នុងចលនាការងារ និងការតវ៉ារឿងដីធ្លី ប្រធានសហភាពសហជីពកម្ពុជារូបនេះអាចបានចេញពីពន្ធនាគារហើយ ប៉ុន្តែបទពិសោធន៍នោះមិនបានចាកចេញពីគាត់ទេ។
លោក ឈុន ដែលត្រូវបានចាប់ខ្លួនកាលពីខែកក្កដា ឆ្នាំ២០២០ បានចែករំលែកថា “មូលដ្ឋាននៃសិទ្ធិមនុស្ស និងសេរីភាពនៅក្នុងប្រទេសកម្ពុជា គឺត្រូវបានរិតត្បឹតយ៉ាងតឹងរឹង។ មនុស្សដូចជាពួកយើង ពិតជាមានការលំបាកណាស់ក្នុងការប្រើប្រាស់សេរីភាពជាមូលដ្ឋានរបស់យើង”
Cambodian Confederation of Unions President Rong Chhung.
រូបលោកជាមនុស្សម្នាក់ក្នុងចំណោមក្រុមអ្នកការពារសិទ្ធិមនុស្សតិចតួច ដែលត្រូវបានកំណត់មុខសញ្ញាដោយច្បាប់ ដែលបានជួបទាំងជាមួយអ្នករាយការណ៍ពិសេសស្តីពីស្ថានភាពសិទ្ធិមនុស្សនៅ កម្ពុជា លោកសាស្ត្រាចារ្យ
Vitit Muntarbhorn និងលោក
Pradeep Wagleតំណាងប្រចាំប្រទេសការិយាល័យទទួលបន្ទុកសិទ្ធិមនុស្សរបស់អង្គការសហប្រជាជាតិនៅកម្ពុជា នាកិច្ចប្រជុំមួយចំនួនក្នុងសប្តាហ៍នេះ។
លោក
ឈុន និងមនុស្សមួយចំនួនផ្សេងទៀត បានចែករំលែកថា ខណៈដែលពួកគាត់ត្រូវបានដោះលែងនាពេលនេះ និងបានទទួលការគាំទ្រពីមជ្ឈដ្ឋាននានាដែលបានធ្វើការស្វែងរកមតិគាំទ្រសម្រាប់លក្ខខណ្ឌល្អប្រសើរ និងសម្រាប់ការដោះលែងពួកគាត់ក៏ពិតមែន យ៉ាងណាការរឹតបន្តឹងនៅតែមានជាមួយអ្នកការពារសិទ្ធិមនុស្សមួយចំនួន ដែលប្រឈមមុខនឹងលក្ខខណ្ឌត្រួតពិនិត្យរបស់តុលាការជាច្រើនឆ្នាំតទៅទៀត។
ពួកយើងត្រូវបានដោះលែងក៏ពិតមែន ប៉ុន្តែពួកយើងក៏មិនបានរស់នៅដោយមានសេរីភាពពេញលេញដែរ។ វាប្រៀបបាននឹងការរាយសំណាញ់ដើម្បីចាប់ពួកយើង ប្រសិនបើពួកយើងធ្វើអ្វីមួយលើសពីលក្ខខណ្ឌដែលតុលាការបានដាក់ចេញ នោះពួកយើងនឹងត្រូវចាប់ខ្លួនសារជាថ្មី។
អ្នកការពារសិទ្ធិមនុស្សម្នាក់ទៀតដែលបានប្រឈមមុខនឹងការជាប់ពន្ធនាគារខ្មែរជាង១ឆ្នាំ គឺ
អេង ម៉ាឡៃ ដែលត្រូវបានចាប់ខ្លួនក្នុងពេលធ្វើដំណើរចេញពីការិយាល័យទទួលបន្ទុកសិទ្ធិមនុស្សអង្គការសហប្រជាជាតិនៅកម្ពុជា កាលពីខែកញ្ញា ឆ្នាំ២០២០។
គាត់បានលើកឡើងថា ពន្ធនាគារមានភាពចង្អៀតដោយមានមនុស្សច្រើន ខ្វះសេវាថែទាំផ្នែកវេជ្ជសាស្រ្ត ហើយក៏មានការកេងប្រវញ្ចកម្លាំងពលកម្មផងដែរ ដោយអ្នកជាប់ពន្ធនាគារមួយចំនួនត្រូវបានបង្ខំឱ្យដេរប៉េះសម្លៀកបំពាក់។
“អ្នកជាប់ពន្ធនាគារ (អ្នកទោស) ពិតជាមានការលំបាកក្នុងការរស់នៅ។ ពួកគេត្រូវប្រឈមមុខនឹងភាពតានតឹងបែបនេះពីមួយថ្ងៃទៅមួយថ្ងៃ។”
Human rights defender Eng Malai, during a meeting with UN Special Rapporteur on the situation of human rights in Cambodia Vitit Muntarbhorn and UN Human Rights Country Representative Pradeep Wagle.
លោកស្រីបានលើកឡើងថា ខ្លួនលោកស្រីផ្ទាល់បានប្រឆាំងនឹងបញ្ហាដោយការតស៊ូមតិដើម្បីសិទ្ធិអ្នកទោស និងការចែករំលែកព័ត៌មានអំពីលក្ខខណ្ឌនៅខាងក្រៅ
អ្នករាយការណ៍ពិសេស សាស្ត្រាចារ្យ
Muntarbhorn បានប្រាប់ទៅកាន់ក្រុមអ្នកការពារសិទ្ធិមនុស្សថា គាត់បានខិតខំធ្វើការតស៊ូមតិយ៉ាងមុតមាំជាមួយនឹងមន្រ្តីជាន់ខ្ពស់ដើម្បីបង្កឱ្យមានលំហពលរដ្ឋ និងនយោបាយប្រសើរជាងមុន។
លោកបានមានប្រសាសន៍ថា
“សង្ឃឹមថានឹងមានការបើកទ្វារទៅកាន់ការមានសេរីភាពកាន់តែច្រើន ហើយនៅទីបំផុត សង្ឃឹមថាវានឹងនាំទៅរកការទម្លាក់ចោលការចោទប្រកាន់លើអ្នក និងអ្នកការពារសិទ្ធិមនុស្សផ្សេងទៀតផងដែរ”។
UN Special Rapporteur on the situation of human rights in Cambodia Vitit Muntarbhorn during a meeting with a group of human rights defenders.
លោកសាស្រ្តាចារ្យ
Muntarbhorn បានមានប្រសាសន៍ថា លោកបានស្តាប់យ៉ាងមានចំណាប់អារម្មណ៍ រួមនឹងក្តីបារម្ភចំពោះបទពិសោធន៍ដែលធ្លាប់បានកើតមាននេះ ហើយក៏បាននិងកំពុងធ្វើការតស៊ូមតិរួចហើយលើប្រធានបទជាច្រើនដែលបានលើកឡើង ដូចជាកំណែទម្រង់ពន្ធនាគារ ប៉ុន្តែនឹងយកក្តីកង្វល់ដែលបានលើកឡើងទាំងនេះ សម្រាប់ការពិភាក្សានាពេលខាងមុខទៀតជាមួយអាជ្ញាធរ។
“យើងក៏បានធ្វើការតស៊ូមតិយ៉ាងខ្លាំងក្លាសម្រាប់ការធ្វើកំណែទម្រង់យុត្តិធម៌ ក៏ដូចជាកំណែទម្រង់ការបោះឆ្នោត ដើម្បីឈានទៅរកការការពារដល់ក្រុមអ្នកការពារសិទ្ធិមនុស្ស និងសកម្មជននយោបាយ នានា។ ការការចោទប្រកាន់ពីបទឧក្រិដ្ឋប្រឆាំងនឹងអ្នកការពារសិទ្ធិមនុស្សផ្សេងៗ ក៏គួរត្រូវបានទម្លាក់ចោលផងដែរ។”
សម្រាប់ខាងការិយាល័យទទួលបន្ទុកសិទ្ធិមនុស្សវិញ លោក
Wagle បានមានប្រសាសន៍ថា ការិយាល័យប្រចាំកម្ពុជា បាននិងកំពុងតាមដានការអភិវឌ្ឍន៍លើលំហពលរដ្ឋ និងផ្តល់ជំនួយបច្ចេកទេសដល់រដ្ឋាភិបាលដើម្បីក្នុងការជួយអនុវត្តការលើកកម្ពស់សិទ្ធិមនុស្ស។ គាត់បានផ្តល់សារចំពោះក្រុមអ្នកការពារសិទ្ធិមនុស្សចំនួនពីរ៖
“សកម្មភាពសិទ្ធិមនុស្ស មិនគួរត្រូវបានចាត់ទុកជាប្រធានបទនៃច្បាប់ព្រហ្មទណ្ឌទេ...យើងត្រូវបន្តធ្វើការងាររបស់យើង និង
សកម្មភាពសិទ្ធិមនុស្ស ។ បើយើងមិនបន្តធ្វើវា នោះនឹងមិនមានការផ្លាស់ប្តូរ ឡើយ។”
ពួកយើងចាំបាច់ត្រូវធ្វើការរួមគ្នា។ យើងត្រូវកសាងភាពជាដៃគូ...ចាំមើលថាតើយើងនឹងអាចធ្វើឱ្យប្រសើរឡើងនូវស្ថានភាពសិទ្ធិមនុស្សដោយរបៀបណា។”
UN Human Rights Cambodia Country Representative Pradeep Wagle during a meeting with a number of human rights defenders.
